Cocote de bacallau con salteado de col e cenoria
O peixe ao forno é unha aposta segura para eses días que uno non quere romper a cabeza pero apetécelle comer san
- Racións2 racións
Un peixe ao forno sempre é unha boa alternativa cando un quere comer san, rico pero non quere romper moito a cabeza. Neste caso, Rocío Garrido, autora do blogue A cociña do meu avó escolleu un cocote de bacallau fresco skrei pola simple razón de que na praza onde foi a comprar venderan da metade cara á cola.
O salteado de repolo e cenoria é unha guarnición perfecta para este tipo de peixes que se pode ter preparado de antemán se non temos tempo.
- Cocote de bacallau fresco
- Aceite de oliva
- Tres dentes de allo
- Medio repolo branco
- Dúas cenorias
- Auga ou caldo de peixe
Colocamos o cocote de bacallau fresco nunha fonte de forno e por amais pómoslle un pouco de auga, un bo chorro de aceite de oliva, molemos un pouco de pementa negra e engadimos dous dentes de allo picados e un pouco de perexil, tamén picado
Metemos ao forno quente a 180º durante uns 20 minutos
Pelamos a cenoria e a rallamos. Cortamos o repolo en tiras finas
Mentres, pomos unha tixola alta ao lume con aceite de oliva e engadimos o outro allo picado. Cando estea quente, engadimos as tiras de repolo e de cenoria á tixola e removemos. Aínda que nos pareza moita cantidade o repolo redúcese á metade cando se cociña
Imos salteando ata ver que o repolo se volve case transparente, o que quere dicir que esta cociñado. Engadimos sal e pementa ao gusto
Emplatamos pondo o salteado de repolo e cenoria nunha fonte, sacamos o bacallau do forno e colocámolo amais . Salseamos co mollo que soltou o bacallau no forno e servimos quente
Comentarios