O PANTALÓN DO MOMENTO parece máis un pixama que unha peza de rúa. Ancho, de tiro baixo e con listas de cores. Aquí van algunhas opcións para lucir esta peza ao David Bowie
31 may 2023 . Actualizado ás 18:07 h.Se pechas os ollos e pensas nun pantalón de raias seguro que se che vén á mente a imaxe de David Bowie convertido en Ziggy Stardust. Revolucionario na música e na súa forma de vestir, Bowie segue sendo unha icona e unha fonte de inspiración 53 anos despois da estrea da creación deste personaxe que daría nome a un dos seus discos máis famosos. E inspirado nesas estrelas do pop e do rock volven a escena os pantalóns de raias. Reaparecen cheos de cor e de forza, como os estilismos de Bowie, pero nunha clave máis relaxada: os patróns son folgados e lembran por momentos ao mítico pixama de raias.
DE CORES
Dá igual a cor que elixas: o pantalón de raias admite todas as combinacións posibles. En Zara teñen versións como o da foto, en tons laranxas e amarelo, perfecto, como na imaxe, para gozar dun paseo pola praia de Mera ou de Samil.
Hai máis pantalóns efecto Ziggy Stardust en Compaña Fantástica: o seu modelo branco e vermello ten o toque circense para un verán moi cool e moi divertido. Tamén está chea de raias a colección de Simon Miller para Mango. Rosas e brancos, azuis e verdes… As combinacións son moitas, diferentes e para todos os gustos.