É CAÓTICO, sen sentido, cheo de cor e de pezas impensables para unha viaxe por Sicilia. A actriz de «The White Lotus» é a nova icona da xeración Z e estes os motivos polos que non podemos deixar de pensar nos seus looks
12 ene 2023 . Actualizado ás 09:53 h.Ou a amas ou a odias. Con Portia e a súa forma de vestir na segunda tempada de The White Lotus non hai termo medio. A asistente de Tanya di moito máis do que parece cos seus suadoiros de «Non Problemo» de Aries e o seu chaleco de cisnes de House of Sunny que polo que di.
É case imposible non pensar nesta marabillosa serie e non acordarse das súas mesturas imposibles. Porque Portia parece que se vestiu coa luz apagada e encántanos. Para a deseñadora do seu vestiario, Alex Bovaird, esas combinacións caóticas son un reflexo da personalidade de Portia e tamén o da xeración Z: a asistente de Tanya aínda está buscando o seu sitio no mundo, séntese deprimida e perdida e iso trasládase á roupa.
Leva moitas pezas que parecen sacadas de mercadillos ou tendas de segunda man. Hai moito de E2k, a tendencia que recupera os looks dos anos 2000, como as saias de cadeira baixa e longo por baixo do xeonllo ou os crop tops con manguitos de gancho.
Portia podería parecer un cadro, pero en realidade só é un reflexo das distintas tendencias que se poden ver en TikTok. E de todo o que nos agarda no 2023. ¡Por moitos personaxes como Portia en The White Lotus (mellor miniserie nos Globos de Ouro) no novo ano!