COMO UNHA PEQUENA lámpada de teito, chea de pequenos cristais. Así son estes tocados repletos de brillantes. Un look ao que seguro que a mítica cantante e actriz daríalle a súa visto e prace
29 novs 2021 . Actualizado ás 18:24 h.Tocados imposibles, perrucas, plumas e moitos brillantes. Cher leva marcando estilo desde os anos 70. É a raíña das transparencias, dos vestidos metalizados e axustados. Ata Cristina Pedroche inspirouse na deusa do pop para un dos seus famosos vestidos de fin de ano. Detrás do éxito dos looks de Cher naquela época está o deseñador Bob Mackie. Son famosos os seus tocados inspirados en Cleopatra, que agora volven para converterse na tendencia máis atrevida do nadal.
Estas coroas de raíñas da noite, cheas de pequenos cristais, son as protagonistas dalgunhas das fotografías máis do Nadal de Zara. O xigante de Inditex lanzou unha diadema moi Cher que pronto se converteu nun fenómeno en redes sociais.
CON NOME GALEGO
O exemplo máis claro de que Cher segue sendo un fenómeno aos seus 75 anos son os traballos inspirados nos seus tocados máis excéntricos da marca neoyorkina Area. Con nome de praia galega (aínda que en realidade a orixe do nome atópase nun club de Manhattan dos 80), detrás desta firma está a parella Beckett Fogg e Piotrek Pansczczyk, que cos seus deseños cheos de brillantes queren celebrar a arte e as diversas culturas. Unha fantasía de tocados e tops, moi do estilo de Cher e perfectos para inspirarse este Nadal.