COMPARTEN ARMARIO, posados en Instagram e ata vídeos virales en TikTok. Elas son as parellas de nai e filla máis trendy das redes sociais
02 may 2021 . Actualizado ás 10:05 h.Estas mamis non só teñen sempre un bo consello cando se necesita. Tamén son instagramers, modelos e, sobre todo, unha enciclopedia en moda e estilo. Unha das miñas mamás influencers favoritas é Brittany Xavier. Ten 34 anos e é de Los Ángeles. Empecei a seguila no 2013, co bum dos blogues. A súa filla Jadyn era moi pequena. Agora, nai e filla comparten vídeos virales en TikTok cheos de estilo e moi adictivos. As dúas son o perfecto exemplo de que a moda a dúo funciona mellor. Comparten armario e posados.
Outra filla que herdou o estilo da súa nai é a instagramer Alex Rivière. Ela e o seu mami Mer Creus son como dúas gotas de auga. O seu armario está cheo de básicos doados de combinar, de vaqueiros perfectos e gorras de béisbol . No perfil de Instagram de Mer é doado velas posando a dúo.
Outra parella que marca tendencia é a formada por Melissa Meyers e a súa filla Rachel. Melissa, a nai, defínese como «the glow girl» e no seu perfil de Instagram comparte fotos de estilo de vida, moitas coa súa filla Rachel.
Entre as nais e fillas máis estilosas das redes están as galegas Omaira Marcos e Carla Estévez. Comparten armario, bo gusto e moitos looks para copiar sen parar. Unha con base agora en Lugo e a outra na Coruña, as dúas son un exemplo nas redes sociais.