PEZAS ESPECÍFICAS para novas disciplinas, híbridos entre o deporte e a roupa de rúa. O mundo do fitness convértense o novo prêt-à- porter deste 2021
06 feb 2021 . Actualizado ás 10:36 h.O covid cambiou moitas das nosas prioridades. Segundo a plataforma WGSN, encargada de predicir tendencias a longo prazo, no 2021 o obxectivo das marcas de moda será satisfacer unha necesidade global: a procura do benestar. Como no caso das correntes dos océanos, onde hai movemento hai vida. O deporte pasou a primeiro plano e a roupa para a súa práctica hase convertido na máis demandada. As pezas de fitness son agora o prêt-à- porter da moda.
NOVO CONFORT
Así xorden novas seccións como a denominada «novo confort» de Zara , que mestura leggings con suadoiros de Harvard ou Yale, ou unha colección coa marca de boxeo Everlast. Oysho crea cada vez máis pezas específicas para novas disciplinas. O seu último lanzamento é unha colección de ioga dance con pezas máis cómodas, que permiten que flúan os movementos. Crecen marcas como a inglesa Adanola, que converteron os conxuntos de leggings e suxeitador deportivo no uniforme diario da rúa. A súa lema: «Un estilo de vida activo». O cambio de tendencia apréciase tamén no lanzamento de novas marcas deportivas, como a creada pola influencer Belén Hostalet. Ela cambiou as fotos de viaxes inspiradoras por pantalóns técnicos e tops de nylon reciclado en Manola . Todo para manternos en activo (e con moito estilo) no 2021.