O efecto Marie Kondo cóase no vestidor

Minimalismo non é igual a impersoal, senón todo o contrario. Porque para definir unha personalidade non fai falta cargarse de complementos e cores. É só cuestión de principios, dunha filosofía de vida. Algo así como un efecto Marie Kondo que o alaga todo. A gurú xaponesa da orde atopou a maxia coándose na casa de millóns de persoas a través do seu libro para aprender a organizar sen morrer no intento. Na súa biblia da orde, Kondo ve a distinción de armario de verán e inverno unha perda de tempo e esforzo. Algo parecido ocorre na moda: no caos de tendencias que xorden cada tempada hai unha corrente moi kondista que mira máis aló do calendario e as estacións, e se guía por unha forma de vestir máis minimalista. Unha filosofía na forma de levar a roupa que se contaxia ao seu estilo de vida. É doado ver reflectida esta enorme tribo en Instagram: aí está Nina Urgell (\ninauc) demostrando que para ter estilo e ser creativo só fan falta uns vaqueiros e un sweater desgastado. Outro síntoma máis do amor polo simple: bota unha ollada ás últimas fotos gardadas no teu cartafol de inspiración. Seguro que hai liñas rectas, espazos brancos e case baleiros, nos que só unha cortina ondeando ao vento dá movemento e vida a esa imaxe. Esa corrente minimalista e moi Marie Kondo reflíctese en marcas que buscan a sinxeleza: das pezas pensadas para cobrar vida nas persoas de Mónica Cordeira ás liñas inspiradas na arquitectura de Rus.

---

---

---