As festas privadas en pisos causan «preocupación» na Policía Local de Vigo tras disolver 40 a fin de semana
VIGO CIDADE
Os axentes acudiron a estas celebracións tras as queixas veciñais polo ruído nocturno e a falta de medidas anticovid
21 oct 2020 . Actualizado ás 21:51 h.As festas privadas en pisos xeran «preocupación» na Policía Local de Vigo tras acudir a 40 intervencións durante a fin de semana para atender queixas veciñais porque os invitados non respectan as medias de distanciamento social polo covid. Os funcionarios disolveron os eventos por incumprimento das medidas anticovid.
As festas privadas xurdiron como modo de esquivar o peche dos locais de lecer nocturno.
A xefatura local sostén que as festas privadas nas domicilios hase incrementado «considerablemente», sendo a «nova preocupación por ser inimigas da saúde publica».
A Policía Local efectuou ata 40 intervencións durante a pasada fin de semana. Na madrugada do venres e na madrugada do sábado fixo 21 actuacións, entre festas en domicilios particulares, concentracións de mozas na vía pública e locais de lecer.
Do día sábado ao domingo tamén de madrugada se atenderon 19 chamadas por festas en domicilios.
A maiores, os axentes mentres fixeron 33 intervencións relacionados con o covid por distintos motivos. Pero entre o luns e o martes non pasaron de catro intervencións, o que evidencia que se trata dun problema restrinxido á diversión da fin de semana.
Son os veciños quen alertan destas reunións como consecuencia dos ruídos e molestias que ocasionan debido ao número de persoas que se xuntan. Á Policía Local, o que realmente preocupa é o risco que implica ao incumprir as normas establecidas para previr contagios polo covid.