Preto de 2.500 alumnos de 27 centros educativos acoden a esta proposta escolar
15 ene 2020 . Actualizado ás 05:00 h.Afundación presenta unha nova proposta teatral incluída na súa programación de actividades para escolares, A vampire story, unha historia inspirada no clásico Drácula, de Bram Stoker que se representará en inglés. Poderase ver hoxe, ás 10.00 e ás 12.00 horas, no Auditorio do Teatro Afundación de Vigo.
Desde o pasado luns, máis de 2400 alumnas e alumnos de 27 centros escolares de Vigo e arredores acudiron a ver esta obra que relata o primeiro día da rodaxe da última versión cinematográfica do clásico Drácula. Os dous protagonistas, bolseiros na rodaxe, reciben a noticia da dimisión do director e veranse na obrigación de emprender o traballo por eles mesmos e co guion a medias. Unha versión auténtica, extravagante e divertida na que tamén haberá sitio para Turner, Buffy Cazavampiros e Crepúsculo.
Esta actividade enmárcase dentro do proxecto global de educación en valores de Afundación. Partindo da importancia da escola como centro de aprendizaxe, as propostas da obra social de Abanca pretenden complementar o ensino académica, especialmente a instrución, presentando uns espazos e unhas actividades que conjuguen o lúdico e o formativo co fortalecemento de valores esenciais para unha sociedade cohesionada. Deste xeito, a entidade quere mostrar o seu compromiso coa tolerancia, o respecto, a solidariedade e coa adquisición por parte de cada estudante das ferramentas necesarias para perseverar na consecución da súa autonomía persoal.
As propostas da área Educativa de Afundación, nas que participan anualmente máis de 136.000 escolares, abarcan múltiples disciplinas e fomentan o desenvolvemento de competencias transversais. Así, o seu programa inclúe actividades culturais en artes escénicas e plásticas e de fomento da lectura; actividades intergeneracionales que reforzan o respecto e o intercambio de coñecementos entre mocidade e xente maior; actividades de educación ambiental para abordar a importancia do respecto polo medio; actividades de novas tecnoloxías, necesarias para o emprego das ferramentas imprescindibles nunha contorna que innova de xeito permanente; e actividades de cociña que ensinan os beneficios dunha alimentación saudable.