O alcalde Abel Caballero xa consignou unha partida orzamentaria, segundo desvelou nos actos do día da patroa en Vigo
12 oct 2019 . Actualizado ás 22:28 h.A Garda Civil de Vigo celebrou esta mañá os actos do día da patroa da Virxe do Pilar . No evento estiveron presentes o alcalde de Vigo, Abel Caballero, a presidenta da Deputación de Pontevedra, Carmela Silva, o xuíz decano de Vigo, Germán Serrano, e os xuíces Juan Carlos Carballal e Concepción Segade.
Recibiron a cruz da orde ao mérito con distintivo branco cinco axentes da patrulla fiscal e de fronteiras de Vigo, outro do Seprona, outra da brigada de Seguridade Cidadá e un máis do servizo cinecológico (delitos de caza). Este última medalla foi imposta polo fillo do propio que condecorado.
O alcalde de Vigo sentiu «orgullo» e recoñeceu o traballo «exemplar» da Garda Civil «no local e o xeral» porque «vertebrades España, que leva 550 anos como Estado». O Concello asinará un convenio para cooperar coa Garda Civil e axudar a reparar o cuartel no 2020 e para iso xa hai unha partida orzamentaria asignada.
O alcalde lembrou que o xefe da Policía Local de Vigo, Francisco Martínez, recibiu na Garda Civil de Pontevedra a Cruz da orde ao mérito. Agradeceu o labor do xuíz decano por velar polo cumprimento da legalidade.
«Quero que Vigo sexa un modelo nesta forma de actuar», dixo Caballero, que tamén lles agradeceu o seu labor como presidente da confederación de municipios.
O comandante da Garda Civil de Vigo indicou que é un «aniversario especial» porque o corpo cumpre 175 anos e eloxiou a súa «proximidade» co que preocupa aos cidadáns. Fixeron exposicións, simulacros e bautismos de auga. Lembrou que as forzas de seguridade están a enfrontarse ao terrorismo, yihadismo e ciberdelincuencia. «Traballaremos para que Vigo e a súa área sexan unha das zonas máis seguras de España», dixo.
Lembrou ao xeneral Alonso, recentemente falecido.