HEMEROTECA | Sucedeu en 1999
11 jun 2019 . Actualizado ás 05:40 h.La Voz do 11 de xuño de 1999 recolle na súa portada o descubrimento dunha trama de roubos na factoría viguesa de Citroën. «Polo menos seis operarios de Citroën en Vigo -entre os que se atopan dous bombeiros, un porteiro e dous cargos intermedios- foron fulminantemente apartados do servizo tras descubrirse unha trama organizada de roubos de pezas de coches e alimentos dos almacéns. A investigación, que non concluíu, provocou tamén o ingreso en prisión dun condutor da empresa Gefco», relataba a noticia.
A información engadía que entre o material roubado figuraba unha ben curiosa: unha vaca despiezada, que desapareceu da despensa das cociñas, ademais de diversas pezas mecánicas como caixas de cambio «e radiocasetes montados nos modelos Citroën e Peugeot que se fabrican en Vigo». Os sindicatos presentes no comité pediron formalmente información á dirección da fábrica para situarse sobre o tema.