Neonatología do Cunqueiro atende a 700 prematuros
18 novs 2018 . Actualizado ás 14:09 h.A sección de neonatología do Hospital Álvaro Cunqueiro atende cada ano a 700 nenos prematuros e recentemente nacidos con algunha patoloxía. As cifras sinalan que medio centenar deses bebés da área sanitaria de Vigo nacen con menos dun quilogramo e medio de peso. O complexo de Beade atende dous ou tres casos cada ano con tan só 500 gramos de peso.
Neonatología do hospital vigués está composta por unha UCI neonatal que realiza un control centralizado e de vixilancia constante do bebé, unha unidade de incubadoras con equipos de monitorización e unha zona de berces.
Entre as patoloxías máis frecuentes, á parte dos bebés con baixo peso, atópanse os problemas respiratorios dos recentemente nados e as anomalías congénitas, ademais de toda a patoloxía médico-cirúrxica que aparece no primeiro mes de vida.
O Chuvi é o complexo que presenta o índice máis alto de natalidade de Galicia. A súa área de neonatología é, a pesar diso, a que ten a menor taxa de mortalidade da comunidade galega e unha das mellores do Estado, establecida en 2,18 por mil nados vivos.
Toda esta sección celebrou onte o Día mundial do neno prematuro con distintas actividades. O Titán, a escultura que preside a entrada principal do hospital, apareceu iluminado de cor violeta para identificar a xornada. O persoal da área encargouse de decorala, con patucos e globos en paredes e teito, e colocou unha alfombra violeta coa que se lembrou a todos os prematuros que pasaron polo hospital.