A vítima fuxiu dun piso tras unha pelexa pero foi perseguida polo vendedor pola rúa e mandouno ao hospital dunha malleira
16 jun 2021 . Actualizado ás 20:25 h.O vendedor dun coche usado foi detido por dar unha malleira ao comprador, ao que primeiro intentou roubarlle todo o diñeiro que traía para pagar o vehículo. O intento de roubo foi nun piso da rúa Eiros, en Redondela, onde quedaran para pechar a venda o xoves pola tarde noite. Ao ver que caera nunha trampa, o comprador escapou da casa perseguido polo vendedor, que o interceptou pola vía pública, e golpeouno. Deulle tal malleira que unha ambulancia o levou ao Hospital Álvaro Cunqueiro de Vigo.
A Policía Local de Redondela e a Policía Nacional de Vigo mobilizáronse para arrestar ao sospeitoso da agresión.
Fontes da Policía Local aclaran que a investigación segue aberta porque non ven claro quen é o comprador e o vendedor e pregúntanse se non haberá algunha causa máis detrás da agresión.