Desde hoxe ata o 21 de agosto, a vila do Tea rende homenaxe ao compositor de Guláns
15 ago 2020 . Actualizado ás 05:00 h.Hoxe • 21.00 horas • Ponteareas • Reserva de entradas a través do 618 705 639 ou vía departamentocultura\
Por oitavo ano consecutivo, o evento acollerá estreas absolutas do prolífico maestre, interpretados por grandes músicos internacionais, como o trompetista Esteban Batallán, solista da Sinfónica de Chicago, que ofrecerá a estrea absoluta do concerto para trompeta e orquestra Concertino Rococó, de Rogelio Groba.
O concerto inaugural, que se desenvolverá hoxe no auditorio municipal, será interpretado por Kyoungmin Park (viola), Laura Lorenzo (frauta), Alba Reirís (cello), Manuel Alejandre (cémbalo), Rogelio Groba Otero (concertino/director) e a Orquestra de Cámara Galega.
O programa do concerto está conformado por pezas de F. Schubert, G. Telemann, M. Bruch e Kol Nidrei, e dúas obras de Rogelio Groba. O uso de máscaras é obrigatorio en todo momento.
Todos os días haberá concertos e clases maxistrais de distintos instrumentos.