Será nos xardíns de Montero Ríos
16 jun 2018 . Actualizado ás 05:00 h.Hoxe • 12.00 horas • Xardíns de Montero Ríos • A Asociación de Doantes (Adrovi), celebra o aniversario do monumento ao doante situado nos xardíns de Montero Ríos, onde de xeito institucional dá as grazas pola solidariedade das familias de todas aquelas persoas que doaron órganos.
Este acto de agradecemento a todas as persoas solidarias, contará coa presenza de Tomás Ardid, director de Procesos sen ingreso e Urxencias do EOXI de Pontevedra; Dolores Pan Vázquez, subdirectora asistencial da área Médica; Esther Casal Rodríguez, directora de Procesos de Hospitalización; Ana Comesaña Álvarez, directora de Recursos Humanos, entre outros representantes sanitarios. Haberá representación municipal de Vigo, Gondomar e Nigrán.