A casa do edil apareceu chea de pintadas
29 jun 2021 . Actualizado ás 05:00 h.Todos os grupos da corporación de Mos condenaron a través dunha moción os actos vandálicos ocorridos na vivenda dun concelleiro desa corporación. En concreto foi o xoves 17 cando a casa de Román González Garrido apareceu cuberta de pintadas tras abandonar o grupo municipal Gañamos para pasar ao dos non adscritos.
A moción, subscrita por toda a corporación, expresa a repulsa que producen este tipo de accións, as condena e rexeita totalmente. Advirte que actitudes desta natureza non teñen cabida nun sistema democrático como o actual e expresan a súa solidariedade co afectado.