O traballo, titulado Nin che odio nin che quero, foi gravado en Meaño, Moaña e Vilagarcía
02 mares 2021 . Actualizado ás 19:59 h.O moañés Santos Vibes, nome artístico de Sinho Santos, acaba de publicar o videoclip do seu último single, que leva por título Nin che odio nin che quero. Explica o músico que o tema fala sobre a angustia «que podemos sentir as persoas cando cedemos ante as diferentes tentacións que se nos poñen por diante. Tamén representa esa liberación, esa paz que nos enche cando somos capaces de superalas. É unha mensaxe optimista, tan necesario en tempos de pandemia», sinala Santos Vibes.
Neste traballo actúan diante da cámara Arianna Rodríguez, Sinho Santos e Camila Ibargüen, mentres que detrás están Andrea Alonso, Ester García, Pablo Aguilar e Dialan Rob. Foi rodado en Meaño, Moaña e Vilagarcía de Arousa.
É a primeira de tres composicións de «pegada doado e directa, cheas de aire fresco e influenciadas polo pop rock castelán emocional e intimista, tal como el mesmo describe a súa música». O seu primeiro single conta coa produción de Juan Ewan, guitarrista do Soño de Morfeo e actual produtor de artistas que copan as primeiras posicións das listas máis exitosas do panorama do pop