Pasadas as 10 reabriuse en sentido Vigo pero os danos do lume obrigan a cortar os dous carrís cara a Ourense polo menos durante un día para as reparacións
25 ene 2021 . Actualizado ás 18:14 h.O túnel do Folgoso, na Cañiza, está cortado.Pouco despois das oito de mañá declarouse un incendio no portacoches dun gran camión que circulaba en sentido Ourense e, por seguridade, cortáronse os catro túneles deste paso. O sinistro produciuse dentro da A-52 e, en principio, parece que o incidente só provocou danos materiais. O camión. de grandes dimensións, comezou a arder no quilómetro 281,5 e o lume está aínda moi activou. No lugar traballan os bombeiros e a Garda Civil. O itinerario alternativo consiste en ir pola N- 559 ata Covelo e logo pola N-l 120, desde Fontefría ata A Cañiza. Por mor dos problemas de visibilidade hai un amplo dispositivo de seguridade na zona e deuse aviso ao Centro de Atención Integrado de Urxencias.
A garda civil e bombeiros lograron sacar o camion cara a fóra de túnel preto das 10.00 horas para intentar extinguir o lume, que se desatou na zona do porta coches. No momento do sinistro estaba cargado con vehículos.
Preto das 10.30 horas os medios de urxencias lograron habilitar o sentido de circulación cara a Vigo pero descártase que poida facerse nos carrís que van cara á meseta. O incendio danou a instalación eléctrica no túnel, polo que podería ser necesario mantelo pechado polo menos un día máis para proceder ás reparacións.
