O mozo José Antonio Rodríguez forxouse na canteira de Oira e de Cangas para chegar a Preferente
04 ago 2020 . Actualizado ás 05:00 h.José Antonio Rodríguez Vázquez (Segovia, 1986) é un deses ourensáns nados na emigración. De xuvenil chegou ás filas do Dépor, antes de callar unha traxectoria de varios anos na Preferente. Nas filas do actual Ourense CF comezou a apuntar como un adestrador con moito que achegar. No seu aínda curta bagaxe xa hai un histórico ascenso á División de Honra xuvenil, en Oira, onde tamén se fixo cargo do filial na competición provincial. Na máxima categoría dos sub 18 callou outra brillante campaña co Alondras, club ao que chegara pouco antes da pandemia para canalizalo na Liga Nacional.
«Tiña contrato en Cangas para a próxima tempada, pero a verdade é que o proxecto do Areas era moi atraente. Antes comuniqueillo ao Alondras, porque xa estaba comprometido, pero déronme o seu consentimento e decidín aceptar a nova oferta», relata un José Antonio que sabe da esixencia dunha Cultural que pensa no regreso á Terceira División: «Imos ser ambiciosos, pero sobre todo queremos facer un traballo serio e ser un equipo competitivo nunha Liga que sempre é moi atractiva, máis este ano, no que hai dificultades engadidas, por todo o que vivimos coa situación sanitaria».
A dirección técnica que encabeza Claudio Silva apostou de modo decidido por un adestrador con notable proxección, que xa mostrou do que é capaz en categorías de formación. A José Antonio gústalle o bo fútbol e véselle ilusionado por poder desenvolvelo co seu equipo no tapete da Lomba, pero non lle dá as costas ao balompé máis dinámico: «Claro que está ben que poidamos REVISAR combinar, pero o importante é saber aproveitar os espazos libres. No fútbol tes que dominar varios rexistros e ser efectivos contra calquera rival. Debemos buscar un equipo compensado e cun equilibrio no seu xogo».
De momento baralla distintos escenarios para o inicio de tempada, supeditados en todo caso á actualidade da loita contra o virus. «Os xogadores xa están facendo un traballo específico previo á pretemporada, porque de momento en Galicia están prohibido practicar deportes de contacto. Se todo vai ben, gustaríanos empezar xuntos a mediados de agosto».