As pistas dadas por algunhas persoas e as cámaras de seguridade foron decisivas para atopalo
15 abr 2019 . Actualizado ás 09:46 h.Daniel Fernandes, o mozo de 18 anos que padece autismo e que desapareceu o xoves en Baiona, onde vive coa súa nai, foi localizado onte en Lisboa en bo estado.
Tras a alerta dada pola Garda Civil e a publicación da súa fotografía, numerosas persoas foron dando pistas do paradoiro.
As cámaras dunha gasolineira da Guarda graváronlle comprando patacas fritas e unha gorra, segundo conta a familia.
Posteriormente pasou a Portugal e foi visto en Vila Nova de Cerveira, onde preguntou aos bombeiros como podía facer para chegar ao Porto. A seguinte pista procedeu dunha localidade próxima a Lisboa, onde o viron e avisaron ao pai, que reside na capital portuguesa e co que se atopa agora.
A policía informou á súa nai de que o mozo se atopa ben, aínda que algo desaliñado. O mércores ten previsto ir buscalo.