En Taboexa pódense observar as estrelas aproveitando a altitude do monte
19 ene 2020 . Actualizado ás 18:51 h.A directora de Turismo de Galicia, Nava Castro, visitou hoxe As Neves, un dos máis de cen beneficiarios da última convocatoria de axudas coa que a Consellería de Cultura e Turismo impulsa cada ano melloras nas infraestruturas turísticas do rural galego e que en 2020 contas cun investimento superior ao millón de euros.
A través desta liña de subvencións, o Concello das Neves recibiu unha subvención de preto de 30.000 euros que permitiron dar forma á rede de observatorios nocturnos e miradoiros deste geodestino. Inclúense, ademais, no compromiso da Xunta de Galicia por diversificar a actividade turística e dotar aos concellos de instrumentos que lles permitan pór en valor recursos con potencial e atopar no turismo unha oportunidade de desenvolvemento sociocultural.
Neste caso, as accións desenvolvéronse en San Nomedio, na parroquia de Taboexa, onde se pretende impulsar a observación nocturna das estrelas aproveitando a altitude do monte, de gran pendente e que permite contar cunhas vistas privilexiadas da comarca.
Con iniciativas como esta, a Xunta contribúe a sufragar actuacións de embelecemento, recuperación e tratamento paisaxístico do contorno dos recursos turísticos do rural galego, así como iniciativas de iluminación ornamental dos recursos turísticos, a creación de miradoiros paisaxísticos ou actuacións de embelecemento dos bens declarados de interese cultural ou cun procedemento de declaración xa iniciado.