A saída é ás 12.00 horas desde a Oficina de Turismo
14 ago 2020 . Actualizado ás 12:49 h.Durante o mes de agosto o Concello da Guarda ofrecerá dúas visitas guiadas semanais ao centro urbano, onde a temática deste ano é a historia, patrimonio e testemuño da época moderna da Guarda. As visitas terán lugar os mércores e xoves do mes de agosto.
Todos os mércores a visita guiada centrarase no Castelo de Santa Cruz, onde se poderá coñecer esta fortaleza militar datada no s. XVII, a súa estrutura e historia ao longo dos anos ata a actualidade.
A novidade deste ano será a visita guiada dos xoves titulada como a Memoria dos Indianos. Esta visita percorrerá o centro urbano coñecendo as pegadas e testemuño dos indianos, aqueles retornados de América que tiveron unha gran influencia política, económica e social principalmente na primeira metade do s. XX.
As visitas guiadas sairán ás 12.00h da Oficina de Turismo situada na Praza de Reló. Estas visitas guiadas son gratuítas e non precisan inscrición pero si hai límite de participantes.