HEMEROTECA | Ocorreu en 1995
02 dic 2019 . Actualizado ás 10:56 h.Con puntualidade relixiosa a autoridades guardesas agardaron e recibiron, o 3 de decembro de 1995, na Guarda a primeira viaxe do agardado transbordador desde terras lusas. Sobre as nove e cuarto da mañá a embarcación tocaba o peirao guardés e medio centenar de persoas baixaron a terra na que foi a primeira travesía oficial do ferri Santa Rita de Cassia.
O gran abrazo entre os alcaldes Valdemar Patricios, que ía a bordo do ferri, e Purificación Álvarez, alcaldesa da Guarda, que lle agardaba na beira, foi inevitable. Os abrazos entrelazados foron máis que unha simple benvida. A viaxe durou sobre dez minutos.
Antes de partir, o párroco da Guarda bendixo o barco e a alcaldesa cualificou o momento como «histórico». Durante a viaxe ambos os mandatarios coincidiron en sinalar o valor das primeiras viaxes, xa que convertían en realidade un proxecto de 30 anos. Quedaba entón por resolver a limpeza de area da canle