O concerto desenvolverase no auditorio de Cangas
29 nov 2025 . Actualizado á 05:00 h.20.00 horas • Cangas • 22 euros • O auditorio municipal de Cangas ofrece esta tarde unha actuación musical de Xabier Díaz & Adufeiras de Salitre. Estes e estas músicas publicaron o pasado ano o disco Axúdame a sentir, o cuarto da súa carreira xuntos. Con este álbum, e tras case 10 anos de traxectoria e máis de 350 concertos, continúan traballando na recuperación e dignificación da música tradicional transmitida polas mulleres das aldeas do país.
O título do traballo procede dunha frase que lle dicía a Xabier Díaz a súa avoa. «Nada hai máis necesario que sentir e tampouco hai momento máis acaído para perseguir ese verbo que os tempos nos que vivimos», sinala o músico, que reivindica con este disco, xunto a Adufeiras de Salitre, a vida orgánica e as relacións humanas para facer fronte a algoritmo.