As comisarias Eva Tarrío e María Torres impulsan un espazo de intercambio cultural que pretende ser un punto de encontro para a creación artística que revise a produción contemporánea galega e amplíe a oferta cultural da cidade
28 nov 2025 . Actualizado á 05:05 h.Venres, sábado e domingo • Auditorio Mar de Vigo • Entrada libre • O Auditorio Mar de Vigo acolle desde hoxe ao domingo 30 de novembro a feira Varco25, Vigo Arte Contemporánea e Noroeste Atlántico. As comisarias Eva Tarrío e María Torres impulsan un espazo de intercambio cultural que pretende ser un punto de encontro para a creación artística que revise a produción contemporánea galega e amplíe a oferta cultural da cidade. Tarrío destaca a continuidade do proxecto iniciado o ano pasado e a presenza maioritaria de mulleres artistas, que converte o encontro nun espazo de visibilidade e de achegamento ao público, que incluso terá a oportunidade de adquirir algunhas das obras expostas. A principal novidade deste ano é a participación de cinco artistas do norte de Portugal, cun total de 30 creadoras e a entrega dos Premios Adquisición. Horario venres 19.30 a 20.30; sábado 11.00 a 14.00 e 16.00 a 21.00, e domingo 11.00 a 14.00 e 16 a 19.30h.