O ponteareán gañou o concurso organizado pola Federación Empresarial de Turismo e Hostalería
27 nov 2025 . Actualizado á 13:46 h.O ponteareán Martín González resultou gañador do Desafío en sala/varra, o primeiro concurso para premiar ao mellor camareiro ou camareira da provincia de Pontevedra, que organizou a Federación Empresarial de Turismo e Hostalería de Pontevedra, Feprotur.
«Concursos como este dignifican o traballo en sala xa que a día hoxe estase perdendo un pouco a profesión», confesou o mellor camareiro da provincia.
En segundo máis votado polo xurado foi o vigués Aarón Duarte Castro e en terceiro lugar, Xabier Troitiño, de Marín. Durante o concurso, os participantes tiveron que enfrontarse a cinco probas. Tiveron que preparar unha mesa e unha comanda, servir un viño, tirar unha cana, preparar café e preparar un cóctel ante a atenta mirada dun xurado profesional. As probas valoraban a destreza, rapidez, axilidade, atención, técnica e habilidades comunicativas dos concursantes.
Feprotur pretende con esta iniciativa pór en valor a uns profesionais imprescindibles no sector.