Seis anos de cárcere para unha pasaxeira de Peinador que levaba dous quilos de cocaína na súa maleta

Unha pasaxeira que viaxaba cunha maleta chea de droga polo aeroporto de Peinador foi condenada a seis anos de cárcere. Levaba 1,8 quilos de cocaína nun dobre fondo e foi detectada nun escáner o 18 de outubro do 2018. A muller puxera como escusa no xuízo que consumía oito gramos de cocaína ao día e que por iso portaba esa cantidade. Fixo un encargo por medo de que á súa familia lle pasase algo e porque lle pagaron cun dos paquetes.

A sección quinta da Audiencia Provincial de Pontevedra, con sede en Vigo, imponlle ademais unha multa de 85.000 euros, case o dobre do valor do alixo.

A implicada foi interceptada na terminal de Peinador, onde chegou procedente de Santo Domingo, con droga. Un control aleatorio de viaxeiros e equipaxes realizado polos axentes do Destacamento Fiscal da Garda Civil descubriu un dobre fondo da maleta con dous paquetes que contiñan cocaína, os cales pesaban case un quilo cada un e tiñan unha riqueza de máis do 80 %. O valor en caso de venda por quilogramos sería, segundo os maxistrados, de 40.849 e de 42.695 euros, respectivamente.

Unha pasaxeira do aeroporto de Vigo pillada con 1,8 quilos de cocaína na maleta: «Consumo oito gramos ao día»

E. V. Pita

---

---

---