Un ano despois da morte por atropelo dun deles, os residentes urxen unha actuación integral
14 oct 2020 . Actualizado ás 21:44 h.Veciños do Viso, en Redondela, concentráronse onte para reclamar un proxecto viario seguro. «Están a facer obras, pero non as que se debería, porque só son parches de asfalto, de cementos e tubos, pero sen beirarrúas», explica Mrga Ferreira López, lembrando que en novembro se cumpre un ano do fatídico accidente que acabou coa vida do seu veciño. A alta densidade de tráfico rodado e a ausencia de beirarrúas, converten esta estrada nun perigo para a seguridade da veciñanza, feito que xa fora denunciado, reiteradamente, polas persoas residentes na zona. O proxecto que se está executando non convence os veciños.