Balonmán O Tenerife non deixou ás da Sangriña despegarse ata o final
03 novs 2019 . Actualizado ás 05:00 h.O Guardés logrou un traballado triunfo (25-21) ante o Tenerife, un rival que aínda que chegaba á cita como pechacancelas de División de Honra feminina, non llo puxo doado ás de José Ignacio Prades no primeiro compromiso dun mes de novembro que se presenta repleto para o equipo.
O conxunto da Sangriña pasou toda a primeira parte por diante no marcador, con vantaxes que oscilaban entre un e tres goles e que en ocasións ían sendo neutralizadas polo rival, sobre todo nos primeiros minutos, pero sen chegar nunca a pórse por diante o Tenerife. Ao descanso chegouse con resultado de dous arriba para o Guardés (13-11).
No inicio da segunda parte seguiuse a mesma tónica, coas locais mandando con vantaxes mínimas ata que o Tenerife se puxo por primeira peixe por diante (14-15, min. 37). Foi só unha miraxe e enseguida o Guardés volveu adquirir vantaxe. Só nos dez minutos finais lograron rendas de catro goles, que sería a vantaxe máxima e definitiva.
Novembro cargado
Tras este compromiso, o Guardés volverá xogar na Sangriña o mércores (21.00 horas) para recibir ao Zuazo. A continuación chegará xa unha nova oportunidade en Europa coa disputa a dobre partido da eliminatoria correspondente á terceira rolda da Challenge Cup contra o Rotweiss Thun SPL 1, primeiro en terras suízas o domingo 10 (16.00) e a volta na Guarda o domingo 17 (19.00).
?Marisol Carratú, Meriem, Sempere (5), Sandra Santiago (4), Martina Mazza, Carmen Campos (2), Lorena Pérez (1), Sara Bravo (2), Estefanía Descalzo, Paulina Buforn (6), Patricia Lima (1), Cristina Barbosa, Rosario Urban (3), Sara Valero (1), Carla Gómez.
?
Judith (4), Lara Coello, Ángela Cioca (4), Lea (3), Adriana (2), Eva Márquez, Irene Sánchez, Alicia Robles , Katarina, Alma, Iris Rein (3), Alba Noriega (1), Danae Miranda, Agostiña, Rocío Vermellas (1), Magdalena (3).
Marcador cada cinco miuntos: 1-0, 4-3, 6-5, 11-6, 11-9, 13-11 (descanso), 14-13, 15-15, 18-17, 19-18, 23-20, 25-21 (final).