Os do Rosal eliminaron aos segovianos por 29-23 e estarán na terceira rolda
16 oct 2019 . Actualizado ás 05:00 h.O Atlético Novás da División de Prata estará na terceira rolda da Copa do Rey de balonmán ao eliminar ao Nava de Liga Asobal no pavillón do Rosal por un contundente 29-23. No descanso xa mandaban os locais por 15-8.
Os locais foron un volcán no primeiro tempo. Os do Rosal pasaron por amais do Nava a pesar da diferenza de categoría desde o saque inicial. O primeiro parcial de 4-0 xa deixaba ás claras a ilusión que a Copa do Rey espertara no equipo de Quique Domínguez, que liderado na faceta anotadora por Paulo Dacosta (4 goles neste acto) chegou a gozar dunha marxe de nove tantos no luminoso (13-4). Ao descanso, os rosaleiros marcháronse con sete tantos de diferenza: 15-8.
A dinámica non cambiou no segundo tempo onde o Novás chegou a gozar dunha diferenza de dez goles (19-9) e en todo momento tivo a eliminatoria controlada con Chaparro como principal artilleiro (acabou con seis goles) e cunha boa intensidade defensiva.
Co partido resolto a contenda entrou nun intercambio de goles ata o marcador final. Os do Rosal seguen facendo historia.