AXENDA | A obra está protagonizada por alumnos de ESO dun centro educativo de Murcia
16 oct 2019 . Actualizado ás 05:00 h.Afundación inicia a súa programación de representacións teatrais para escolares coa proposta \
Máis de 2.300 alumnas e alumnos de centros escolares de Vigo e arredores acudirán a ver esta obra que fala sobre a solidariedade, a capacidade de esforzo, a amizade e a fortaleza, protagonizada por 25 estudantes de secundaria. Un musical que relata mediante o teatro, a percusión, o rap e a danza a historia que transcorre nun gabinete psicolóxico no que coinciden un mozo adicto aos videoxogos, un adulto adicto ao móbil, un influencer e unha adolescente con fobia ao móbil froito do ciberbullying que padece. Nesta función os móbiles non só non están prohibidos, senón que serán obrigatorios.
Esta actividade enmárcase dentro do proxecto global de educación en valores de Afundación. Partindo da importancia da escola como centro de aprendizaxe, as propostas da Obra Social de Abanca pretenden complementar o ensino académica, especialmente a instrución, presentando uns espazos e unhas actividades que conjuguen o lúdico e o formativo co fortalecemento de valores esenciais para unha sociedade cohesionada. Desde a afírmase que manteñen o compromiso coa tolerancia, o respecto, a solidariedade e a adquisición por parte de cada estudante das ferramentas necesarias para perseverar na consecución da súa autonomía persoal.
As propostas da área Educativa de Afundación, nas que participan anualmente máis de 136.000 escolares, abarcan múltiples disciplinas e fomentan o desenvolvemento de competencias transversais. O seu programa inclúe actividades culturais en artes escénicas e plásticas e de fomento da lectura; actividades intergeneracionales que reforzan o respecto e o intercambio de coñecementos entre mocidade e xente maior; e actividades de educación ambiental para abordar a importancia do respecto polo medio, entre outras propostas educativas.