O sector facturou 8.650 millóns o ano pasado e aumentou as exportacións en 1.500
25 mares 2019 . Actualizado ás 17:19 h.Ceaga, o cluster da automoción que aglutina 125 socios aos que hai que engadir 35 empresas emerxentes, reclama que se retarde a prohibición dos motores de combustión. O clúster celebrou asemblea anual no Centro tecnolóxico da automoción no Porriño. Na reunión hase posto de relevo o estancamento da facturación que foi de 8650 millóns de euros, 0,3% menos que o ano anterior. Con todo as empresas incrementaron as súas exportacións en 1.500 millóns de euros. Durante o ano pasado contabilizáronse 22.300 empregos. É a mellor cifra desde o ano 2007, segundo puxo de relevo o presidente do cluster Juan Antonio Lloves.
O responsable de Ceaga manifestou a súa preocupación pola normativa de emisións que está a afectar ao sector da automoción. O presidente da Xunta, Alberto Núñez Feijoo compartiu esta preocupación e pediu ás autoridades europeas que se vaia amodo e non se prohiba o motor convencional antes de analizar as consecuencias que pode traer. Pola súa banda, o director do grupo PSA en España, Ignacio Bo, puxo de relevo o potencial do grupo pode chegar a fabricar máis de 1 millón de coches en España. Neste sentido Feijoo expresou a súa confianza no novo modelo todocamiño como impulsor das vendas.
O presidente da Xunta incidiu na necesidade de baixar os impostos para seguir sendo competitivos no sector da automoción e tamén diminuír o custo da custo da electricidade para mellorar a posición das empresas galegas fronte os seus competidores.
