A fábrica de Vigo «foi un dos motores do PIB de Galicia, xerou emprego directo de calidade e propiciou a creación dunha potente industria auxiliar», segundo a institución
24 ene 2019 . Actualizado ás 09:33 h.O Consello Galego de Economistas entregará o venres á fábrica viguesa do grupo PSA Peugeot Citroën o premio Economía, que este ano se outorga por primeira vez. O galardón pretende distinguir «ás empresas ou proxectos que contribuíron e contribúen, grazas á súa traxectoria consolidada no tempo, de forma determinante ao crecemento económico de Galicia», segundo o presidente do Consello, Miguel Vázquez Taín.
O presidente da institución tamén destaca que a fábrica de Vigo «foi un dos motores do PIB de Galicia, xerou emprego directo de calidade e propiciou a creación dunha potente industria auxiliar».
A entrega celebrarase o venres ás 20.00 horas no teatro Afundación. A el acudirán o director da factoría, Ignacio Bo; o presidente da Xunta, Alberto Núñez Feijoo; o alcalde, Abel Caballero; a presidenta de o Congreso, Ana Pastor; e o presidnete do Consello Xeral de Colexios de Economistas de España, Valentín Pich.