O alcalde pide a Marea que se desculpe por ter suxerido un «dedazo».
21 ene 2019 . Actualizado ás 12:46 h.Hoxe celébrase a primeira reunión a comisión técnica de valoración de candidaturas para elixir ao futuro director do Marco. O alcalde remarcou esta mañá que a comisión é «independente e dunha calidade excepcional». Esta comisión está integrada polo concelleiro de Cultura, Cayetano Rodríguez, Miguel Zugaza Miranda, director do Museo de Belas Artes de Bilbao e antigo director do Museo do Prado desde o 2002 ao 2017. Ademais atópase José Manuel Bonet, director do Instituto Cervantes. A Xunta de Galicia elixiu a Antón Castro, profesor da Universidade de Vigo e o Ministerio de Cultura a Lucas García, director de Museos Estatais. Estará presente o actual xerente da Fundación Marco, Martin Noguera.,
«Non hai ningunha dúbida da extraordinaria calidade desta comisión, forman parte dela personaxes mundialmente respectados no mundo da arte e ante este sistema de elección transparente e publica e con este nivel de persoas que participan na selección, agardo as desculpas dos que nos calumniaron», afirma Caballero. Refírese ás declaracións do portavoz de Marea, que hai uns días suxeriu que o posto xa estaba dado.