O xulgado abre unha investigación rutineira tras recibir un parte do hospital
12 dic 2018 . Actualizado ás 12:08 h.O Xulgado de Instrución Número 5 de Vigo, en funcións de garda, abriu unha investigación rutineira polo falecemento dun bebé durante un parto en casa sen asistencia profesional, que hoxe avanzou La Voz. O Xulgado prohibiu incinerar o corpo por se, máis adiante, é necesario practicar novas probas. A familia acudiu aos tribunais a pedir permiso para enterralo.
A autopsia xa está realizada pero non valora as causas da morte, só se limita a indicar os feitos nos que se produciu. Menciona que os presentes no parto chamaron ao 112 e ao chegar a unidade sanitaria viron a o bebé coas extremidades inferiores fose e sen respirar. Polo momento, non hai dilixencias abertas por estes feitos pero si unha investigación rutineira e o hospital trasladou un parte oficial.
Á Fiscalía non lle consta ningunha denuncia nin por parte da nai cara á persoa que lle asistía no parto nin por esta última cara á parturienta. O Ministerio Fiscal dá por feito que había unha persoa coa familia no momento do alumeamento.
O Tribunal Superior de Xustiza de Galicia (TSXG) sinalou que xudicialmente non hai nada relevante. Ao Xulgado de garda chegou un informe do centro sanitario. Este xulgado, o de Instrución Número 5, ten intención de inhibirse ao número 4 pola data dos feitos e sería este último o que abriría unha investigación se achase indicios de delito.