«Cando hai predisposición por ambas as partes, todo é máis doado», comentou o técnico
18 abr 2018 . Actualizado ás 05:46 h.O Atlético Guardés fixo oficial onte a renovación de José Ignacio Prades como adestrador. O técnico e o seu segundo, Abel González Colorado , seguirán máis aló do próximo verán, o que suporá a terceira tempada consecutiva á fronte do vestiario do adestrador alacantino, que a campaña pasada comandou ás da Guarda cara ao seu histórico título de Liga .
«Cando hai predisposición por ambas as partes, todo é máis doado», dixo Prades, que detallou que aínda que a renovación se oficializó onte, xa levaban «un par de meses traballando na confección do persoal do próximo ano». Se hai baixas, intentarán suplilas con xogadoras de igual ou superior categoría, e a día de hoxe prevé que «serían dous ou tres as pezas necesarias» para completar o persoal do próximo curso.