19 ene 2020 . Actualizado ás 18:09 h.
O mellor
Gaku: 8
Non lle pesaron os 300 minutos disputados en apenas unha semana. Deu unha asistencia fenomenal a Sabin Merino para que este fixese o 1-0.
Dani Giménez: 6
Prometeu dosificar os recortes na área e cumpriu sacando o balón do xeito máis directo. Polo demais, tivo pouco traballo e liquidouno sen moito problema.
Bóveda. 6
Tratou de dar profundidade á súa banda, especialmente tras a lesión de Salva Ruiz na oposta. Cumpriu sen estridencias e non se complicou en defensa.
Mujaid: 7
Segue co seu crecemento, perfectamente adaptado á liña de cinco. Con personalidade na condución e o corte e moi ben nas coberturas.
Somma: 7
A praza de peche séntalle moi ben. Corrixindo erros dos seus compañeiros e moi atento nas marcas. Sen problemas tampouco na saída de balón.
Montero: 6
Algo nervioso no primeiro tramo do choque, foise tranquilizando co paso dos minutos e acabou case ao nivel dos seus compañeiros na zaga.
Nolaskoain: 7
Estivo máis impreciso que noutros partidos coa pelota en loso pés, pero ofreceu sempre unha saída aos seus compañeiros e cumpriu en labores de contención.
Aketxe: 7
Outro que parece inesgotable. Moi ben nas axudas e aínda que pecou de certo individualismo serviu de referente para o inicio de xogada. Buscou moito o disparo.
Mollejo: 6
Peléxao todo. Non dá un balón por perdido e a súa voracidade é contaxiosa. Volveu ter a súa rifa de costume cos rivais, para os que é moi incómodo.
Sabín Merino: 8
De novo como referencia en punta e tan inspirado como fronte ao Racing. Meteu a máis clara e exhibiu a súa capacidade para xogar de costas a portería.
Luis Ruiz: 6
Saltou ao céspede ao pouco de iniciarse o encontro debido á lesión de Salva. O Cádiz atacou moito pola súa banda e el aguantou as acometidas.
Vicente: 5
Fernando Vázquez enviou ao canario ao campo para aumentar o control do xogo co equipo en vantaxe. O centrocampista cumpriu o seu papel.
Bergantiños -
Outra lesión, esta de Peru, alterou os plans do técnico, que pensaba introducir a Beauvue e acabou recorrendo ao capitán. Non dispuxo de moito tempo.
Non foi o seu día
Salva Ruiz: 5
Aguantou un cuarto de hora no campo antes de retirarse por un problema muscular. Apenas tempo para filtrar un gran pase para Merino.