Vaise Anquela e vén Luis César. Un paso máis na perversa dinámica iniciada polo Deportivo hai xa tempo. Vive este club inmerso nunha roda na que ninguén triunfa e todos fracasan. Chegan os adestradores e sempre parecen suficientemente bos para facerse cargo da nave branquiazul, pero unha vez metidos en competición as cousas se tuercen, ninguén dá coa tecla e o equipo vén estrepitosamente abaixo.
Trátase dunha maldición que perseguiu con acerto Fernández durante toda a súa presidencia no Deportivo. Un tras outro, os técnicos que ía contratando foron devorados polos resultados. A súa traxectoria íase degradando progresivamente ata chegar o equipo a un grao de devastación tal que non había máis remedio que cesar ao adestrador.
A gran pregunta é por que este club empeora a técnicos e futbolistas? Estes días fálase e moito do rendemento que está a dar no Real Madrid o uruguaio Valverde. Pois ben, no Dépor ou non xogaba ou, cando xogaba, non rendía de acordo ao seu potencial. Por que ese rapaz que non valía para o Deportivo é agora titular nin máis nin menos que no Real Madrid? Por que Garitano non puido co touro deportivista e en cambio dirixe con man firme e acerto ao Athletic Club de Bilbao?
Esa maldición que viviu o Dépor de Tino Fernández, segundo a cal se algo podía empeorar, por suposto que empeoraba, segue aínda no club. Zas non se librou dela porque o que aconteceu con Anquela é máis do mesmo. O presidente do Deportivo ten que ter claro que non pode facer as cousas igual que o seu antecesor porque o máis normal é que se se fan as mesmas cousas obteranse idénticos resultados. Quen sabe se é cuestión de persoas, de metodoloxía ou do puro azar, pero Zas ten a obrigación de dar unha volta de porca ao Deportivo para conseguir cambiar dunha vez esa dinámica maldita que lle levou a un paso de ser o pechacancelas de Segunda División. Dise pronto, pero equipos como o Fuenlabrada superan ao coruñés en 9 puntos e o mesmo Mirandés empata aos branquiazuis. Un lugar na clasificación que casa moi mal cunha afección que, sin duda, móvese entre a nobreza do fútbol español.
