A xogadora do Dépor tivo que deixar a concentración de España no Europeo Sub-19 femininos en Irlanda do Norte
24 ago 2017 . Actualizado ás 21:20 h.Nuria Rábano abandonará este domingo a concentración da selección española en Irlanda do Norte, sede do Europeo sub-19 de fútbol feminino, debido á escordadura no ligamento lateral externo do nocello dereito que sufriu no segundo compromiso da fase de grupos ante a escuadra alemá.
A xogadora galega do Deportivo da Coruña sofre «unha escordadura grao dous no ligamento lateral externo do seu nocello dereito», segundo o parte médico ofrecido pola Real Federación Española de Fútbol. «As probas radiológicas determinaron a inexistencia de lesión ósea aguda», pero o «período de recuperación estimado excede ao do presente torneo», polo que deixará a concentración.
No seu lugar entrará a atacante do Athletic Club de Bilbao Ane Azkona quen participará esta mesma tarde no adestramento previo ao partido que este luns medirá á selección española coa de Escocia . O grupo dirixido por Pedro López xógase o pase ás semifinais do torneo continental, que ademais lle faría merecedor dunha praza no Mundial sub-20 do próximo ano.