Os dous primeiros episodios da ficción realizan unha viaxe ao pasado
07 oct 2018 . Actualizado ás 05:00 h.Despois dun final de tempada no que se deixou no alto o futuro de Diego e Marga, Serramoura regresa esta noite ao prime time de TVG. Os dous primeiros episodios da ficción realizan unha viaxe ao pasado no que os espectadores se reencontrarán con personaxes que xa non están na serie como Álex Neira (Sheyla Fariña), Gonzalo Soutelo (Fran Paredes) ou Mónica Triáns (Sara Casasnovas). Tamén terán a oportunidade de coñecer o pasado de Gloria (Sabela Arán), como era a vida de casada de Teresa Soutelo (Uxía Blanco ) ou atopar a un incipiente Evaristo Fiúza (Antonio Mourelos). E o máis importante, no segundo episodio da precuela resólvese unha das incógnitas que deixou a tempada pasada e que mantivo en albas aos espectadores da serie: que vai pasar con Marga e Diego? O capítulo desta noite sitúase no verán de 2010, en plena celebración do mundial de Sudáfrica, cando Marga volve a Serramoura para ocupar un posto no equipo do tenente Tomás Penedo.