A compaña recoñeceu ha unhas semanas que reducía o rendimieinto dos smartphones máis antigos
18 ene 2018 . Actualizado ás 23:02 h.O xigante informático Apple permitirá que os usuarios desactiven a retardación dos seus dispositivos iPhones, segundo un anuncio feito por Tim Cook, conselleiro delegado da empresa. Cook indicou ao portal ABC News que os propietarios do iPhone poderán desactivar unha opción de software que reduce o rendemento de dispositivos antigos para aforrar batería. Esa opción incluirase nunha próxima actualización do sistema operativo de iPhone, que estará dispoñible para desenvolvedores en febreiro e para o público pouco despois.
O pasado 28 de decembro, Apple dirixiu unha carta aos seus clientes na que pedía perdón polo «malentendido» xerado ao redor da retardación dos iPhone e ofreceu descontos para os usuarios que quixesen cambiar a batería do seu teléfono. A compaña recoñecera previamente que retarda intencionadamente os teléfonos máis antigos cando se descarga unha nova actualización do software, pero defendeu que o facía para alongar a batería dos móbiles e evitar que se colapsasen.
Estas explicacións foron insuficientes para algúns clientes, e só nos Estados Unidos presentáronse varias demandas colectivas que acusaban a Apple de fraude, publicidade enganosa e enriquecemento ilícito.
A empresa asegurou no comunicado que houbo un gran «malentendido» e pediu «desculpas» por ter decepcionado» aos seus clientes, á vez que ofreceu un importante desconto aos usuarios que queiran cambiar as baterías dos seus móbiles. Desde finais de xaneiro e ata decembro do 2018, cambiar a batería dun iPhone 6 ou un modelo posterior custará 50 dólares menos, xa que o prezo pasará de 79 a 29 dólares.