A OMI realzaraas cada 18 de maio e promoverá a igualdade e «unha contorna laboral libre de obstáculos»
19 novs 2021 . Actualizado ás 05:00 h.Antes da pandemia, no 2109, a Organización Marítima Internacional (OMI) elixiu como lema mundial dese ano «Empoderando á muller na comunidade marítima». Acaba de dar un paso máis ao acordar recoñecer e impulsar o seu papel cada 18 de maio, cando se celebrará o Día Internacional da Muller no Sector Marítimo.
Ese acordo do consello xeral da OMI ha de ratificalo a asemblea o próximo mes. As mulleres do mar xa teñen un día no que se recoñecerá a súa contribución en todos os ámbitos do sector, promovendo tamén a contratación, permanencia e o emprego sostido para elas. Ao mesmo tempo que lles dará visibilidade, tratará especialmente de cooperar para avanzar e conseguir resultados concretos na igualdade de xénero.
Sobre ese reto, o número 5 do Obxectivo de Desenvolvemento Sostible (ODS) incide Kitack Lim, secretario xeral da OMI. Manifesta a súa alegría por unha decisión que, ademais de fomentar os esforzos en prol da igualdade das mulleres no sector marítimo, «é unha acción de seguimento perfecta para conseguir unha contorna laboral libre de obstáculos para as mulleres, de modo que todas poidan participar plenamente, en condicións de seguridade e sen trabas, nas atividades da comunidade marítima, incluída a navegación e a construción de buques».
Testemuños de mulleres de diferentes sectores marítimos xeran «preocupación» na OMI porque confirman «que aínda existen barreiras e obstáculos en todos os niveis». Comprobado que o obxectivo de acadar a igualdade «está por rematar», esa organización considera «necesario adoptar medidas contundentes adicionais».
A OMI Insta as autoridades, ás empresas e aos profesionais a traballar para «superar continuamente as limitacións actuais en todos os aspectos». En concreto e «en especial, na contratación, formación, creación de capacidade, cooperación técnica e ascensos», de tal modo que «poidan participar plenamente, en condicións de seguridade e sen trabas, nas actividades da comunidade marítima». Con ese propósito tamén expón «reunións regulares e iniciativas concretas sobre o empoderamiento das mulleres» no sector, «sobre a base dun diálogo aberto e un compromiso máis amplo