Unha labriega de Chandebrito acepta 6 meses de prisión por un lume forestal en xuño do 2017
FORESTAL
A implicada fixo unha queima de restrollos que arrasou 7.000 metros cadrados dun eucaliptal e leiras anexas
23 may 2019 . Actualizado ás 05:00 h.Unha labriega de Tomadas Chandebrito aceptou onte seis meses de cárcere e unha multa de 900 euros por causar un incendio forestal por imprudencia grave nas súas propias parcelas o 15 de xuño do 2017. Tamén foi condenado un achegado, con atraso mental leve, a 3 meses de cárcere e 360 euros. Indemnizarán á Xunta con 4.241 euros polo custo da extinción. O lume arrasou 7.000 metros cadrados dun eucaliptal.
A vista por conformidade celebrouse onte no Xulgado do Penal número 2 de Vigo. A muller queimou restos forestais a pesar de non serlle autorizado. Prenderon entre as árbores nove fogueiras illadas por unha roza. A pendente do terreo era do 18 %, o vento sopraba a 7 kms/h, facían 22,8 graos e marcháronse pese ao gran risco. Foi tres meses antes dos incendios mortais de outubro.