Hai 30 anos, a pataca de Galicia vendíase xa cun selo oficial de calidade
AGRICULTURA
A Terra Chá aparecía como unha das principais zonas produtoras
04 ago 2021 . Actualizado ás 22:03 h.A finais dos oitenta e a principios dos noventa, no campo galego dábase un proceso de transformación. Quedara atrás a emigración; a mecanización e as concentracións parcelarias estaban acabadas en marcha ou vistas como unha necesidade, e aparecían outros cambios. O que ata entón era visto como tradicional e habitual comezaba a concibirse como sinónimo de calidade cun valor engadido: non era só o interese do consumidor no mercado o factor importante, senón que o apoio das administracións supuña un respaldo oficial.
Así xurdiron selos como o de , Produto Galego de Calidadeno que entraba a pataca. Hai 30 anos, realizábase o balance da primeira campaña, na que se venderon 200.000 quilos do tubérculo. A provincia tiña protagonismo, pero ademais agardábase que a súa presenza fose aumentando: a comarca de Terra Chá era vista como unha das grandes produtoras, xunto con Bergantiños e A Limia.
Segundo os criterios de 1991, Xermade, Vilalba e Cospeito eran os municipios con máis posibilidades, igual que algunhas parroquias de Abadín . A variedade kennebec era a que se podía comercializar con ese selo oficial. A consideración de amparou Produto Galego de Calidade tamén, nesa etapa, a tenreira ou o mel. O recoñecemento que brinda un selo oficial foi acompañado do inicio da celebración de festas gastronómicas. No Santo (Vilalba), chegouse a organizar, algúns anos, unha festa de exaltación da pataca, aínda que non tivo continuidade.
Anos máis tarde, no campo foron aparecendo outras figuras, Indicación Xeográfica Protexida (IXP) ou Denominación de Orixe, con órganos reitores que asumiron funcións que estiveran en mans do correspondente ao Produto Galego de Calidade. Así xurdiu, por exemplo, a IXP Pataca de Galicia, posta en marcha a principios de século. A Mariña-Terra Chá e Lemos eran as dúas subzonas da provincia incluídas, aínda que recentemente se ampliou o ámbito de cobertura da IXP a toda Galicia. A campaña do ano pasado foi a primeira na que se comercializaron patacas nas que os cosechadores, cumprindo as normas do órgano reitor, podían ter as súas leiras en calquera lugar da comunidade autónoma. Tamén aumentou o número de variedades de pataca amparadas pola IXP, xa que as denominadas Agre e Fina de Carballo poden comercializarse co selo oficial.
A evolución da agricultura e da gandería en comarcas como a Terra Chá supuxo unha especialización no gando vacún de leite e a diminución de terreo dedicado a cultivo de patacas. Si hai algunha empresa da comarca inscrita como operadora autorizada dun cultivo que tivo outra redución forzosa nos últimos anos, derivada da praga da couza guatemalteca. Agora, de todos os xeitos, xa se pode cultivar de novo sen problema en Xermade e en Vilalba; tamén en Abadín, pero con vixilancia da Xunta.
COA túa SUBSCRICIÓN PODES ACCEDER A Todas As NOTICIAS PUBLICADAS EN LA VOZ DE GALICIA, DESDE 1882 ATA HOXE, BUSCANDO POR PALABRA CRAVE