A organización agraria asegura que o sector vive un momento de caos, ante o que «hai que actuar xa»
24 ene 2020 . Actualizado ás 10:30 h.«Os apicultores españois afrontan nestes momentos unha situación de caos sen precedentes», lamentan os responsables da Unión de Pequenos Agricultores, que onte deron a voz de alarma e reclamaron medidas inmediatas para este sector que axuden a plantar cara a todos os problemas aos que se enfronta. «Hai que actuar xa ou perderemos a miles de compañeiros», argumentan nesta organización agraria.
UPA celebrou onte o seu sectorial apícola, na que quedou constancia de que os mercados de mel están colapsados, con meles nacionais a prezos moi por baixo dos custos de produción, estimados en 2,5 euros por quilogramo. Mentres, a importacións masivas de mel de terceiros países, fundamentalmente China , seguen entrando en Europa sen control e a prezos afundidos.
«Á competencia desleal de meles foráneos só podemos pórlle freo vía controles en fronteira, que deben reforzarse, e vía etiquetaxe», explica na organización agraria. É por iso que esixen ao Ministerio de Agricultura que impulse un real decreto para recoñecer a orixe España do mel. UPA está tamén mantendo numerosos contactos en Bruxelas para que se reforme a actual directiva do mel. Por se isto fose pouco, os apicultores ten que enfrontarse a problemas sanitarios, como a varroa, que seguen minguando a poboación de abellas en España. Neste sentido, a organización lamenta a falta de medicamentos para combater esta praga, para a que tamén reclama máis investigación.