A Fundación "a Caixa" reforza o seu investimento en acción social en Galicia
SOCIEDADE
Aumenta ata 15 millóns o presuposto destinado á comunidade
17 jul 2025 . Actualizado á 05:00 h.A Xunta de Galicia e a Fundación ”a Caixa” asinaron hoxe un acordo marco que reforza a súa colaboración e destinará un total de 15 millóns de euros á acción social, científica, educativa e cultural en Galicia durante o 2025. Esta cifra representa un incremento do 15% respecto ao investimento do ano anterior, reafirmando o compromiso da entidade coa comunidade galega.
O acordo foi rubricado polo presidente da Xunta, Alfonso Rueda, e o presidente da Fundación ”a Caixa”, Isidro Fainé. Este último destacou que esta renovación fortalece o seu «compromiso firme con Galicia», co obxectivo de «seguir fomentando a igualdade de oportunidades para transformar vidas e construír unha sociedade máis cohesionada e solidaria». Subliñou que este labor realízase «da man do tecido social e das institucións galegas, que nos permiten actuar alí onde o apoio é máis necesario».
Pola súa banda, o presidente Rueda agradeceu o «intenso traballo» que a Fundación ”a Caixa” realiza en Galicia e puxo en valor o «importante papel» que desempeñan as entidades sociais en colaboración coas administracións públicas.
O convenio centrarase principalmente no desenvolvemento de actuacións sociais orientadas a reducir a vulnerabilidade e posibilitar unha vida digna a quen máis o necesitan. Estas son ningunhas das liñas prioritarias.
Loita contra a pobreza e pobreza infantil. A través do programa CaixaProinfancia, que atendeu a 1.000 nenos, nenas e adolescentes de 650 familias en Galicia no 2024.
Inserción sociolaboral. Mediante o programa Incorpora, que facilitou 1.650 empregos en Galicia no 2024 grazas á colaboración de preto de 600 empresas.
Humanización da saúde. A través do programa de Atención Integral a Persoas con Enfermidades Avanzadas, que proporcionou apoio psicosocial e espiritual a case 2.000 pacientes e 2.300 familiares en Galicia no 2024, con 4 equipos especializados.
Acompañamento a persoas maiores: O programa de Persoas Maiores, o máis lonxevo da Fundación, contribuíu ao envellecemento activo e saudable, reducindo o illamento. Case 9.000 persoas maiores participaron en máis de 500 actividades en 25 centros galegos no 2024.
Impulso a proxectos de entidades sociais. Mediante as convocatorias de Proxectos Sociais, que no 2024 seleccionaron 55 iniciativas en Galicia.
Ademais destes programas, a rede de oficinas de CaixaBank, con axudas da Fundación ”a Caixa”, impulsou 186 proxectos e actividades na súa contorna local no 2024, cun investimento total de 790.000 euros.
Apoio á cultura con exposicións, bolsas e concertos
O acordo entre a Fundación ”a Caixa” e a Xunta inclúe accións nos ámbitos educativo, científico e cultural. Desta forma, a entidade promove o acceso á cultura como motor de transformación social a través das exposicións que programa. En Galicia leváronse a cabo no 2024 seis exposicións itinerantes, que contaron con máis de 350.000 visitantes. As cores do mundo, na Coruña; Leonardo da Vinci. Aprende, cuestiona, experimenta, en Lugo e Pontevedra; Nanocosmos, en Vigo; Outros mundos. Viaxe polo sistema solar da man de Michael Benson, en Ourense; e Señoras e señores. Comeza o espectáculo. Georges Meilès e o cine en 1900, en Ferrol, foron as seis mostras que percorreron o territorio galego.
Tamén se celebraron dous concertos participativos con preto de 3.000 asistentes. No ámbito da educación, a Fundación desenvolve o programa EduCaixa, que fomenta o desenvolvemento de competencias do alumnado, a formación do profesorado e a mellora do sistema educativo baseada no uso de evidencias. No 2024, case 20.000 estudantes e 1.400 docentes de 117 centros educativos galegos accederon aos recursos do programa.
A entidade promove, ademais, a formación de excelencia mediante o seu programa de bolsas, que cobre todas as etapas da educación superior. O ano pasado concedéronse en Galicia ouna bolsa de grao, seis de posgrao no estranxeiro e outra de posdoctorado.