Un total de 982.819 persoas recibiron polo menos unha dose e 456.008 teñen a pauta completa
10 may 2021 . Actualizado ás 21:31 h.As comunidades autónomas administraron ata este martes un total de 19.830.624 doses das vacinas contra o covid-19 de Pfizer -BioNTech, Moderna, AstraZeneca e Janssen, 782.492 delas durante a fin de semana. Isto representa o 94 por cento das distribuídas, que ascenden a 21.100.665 unidades.
Ademais, un total de 6.221.476 persoas recibiron xa a segunda dose a partir da cal se empeza a xerar inmunidade, 265.025 máis que ovenres . Isto supón o 13,1 por cento da poboación española. Un total de 13.797.431 persoas recibiron polo menos unha dose, o 29,1 por cento dos españois.
Os datos indican que nese período hanse entregado ás comunidades autónomas 13.655.265 doses de Pfizer, con 13.730.909 administradas; 1.776.000 correspondentes a Moderna, con 1.322.844 xa inoculadas; 5.397.000 de AstraZeneca, coas que se vacinou a 4.588.588 persoas; e 272.400 de Janssen, con 188.283 xa inxectadas.
Galicia acadou as 456.008 persoas vacinadas con pauta completa contra o covid-19, despois de ter administrado case o 97 por cento das doses recibidas, que supoñen un 19,3% da poboación total a vacinar na Comunidade galega.
Así se desprende dos datos actualizados na mañá deste luns pola Consellería de Sanidade cos rexistros da xornada de vacinación deste pasado domingo, nos que se indica que se administraron 1.429.586 doses das 1.477.645 recibidas ata a data, 13.674 máis postas que a xornada anterior.
Xa que logo, iso supón que, tras a vacinación da xornada pasada, 13.615 persoas máis contan en Galicia coa pauta vacunal completa fronte á Covid-19.
En relación aos grupos de poboación vacinados, por condición de vulnerabilidade recibiron polo menos unha dose 12.232 persoas con condición de alto risco --sen cambios con respecto ao día anterior-- e 485 teñen a pauta completa --cinco máis--.
Mentres, entre as persoas dependentes non institucionalizadas recibiron polo menos unha dose 16.464 e completaron a pauta vacunal un total de 12.882. En canto ás institucionalizadas --que se empezaron a vacinar o 27 de decembro do ano pasado--, 23.502 recibiron a primeira picada e 22.840 contan coa pauta completa.
Probabilidade de exposición
Pola súa banda, os vacinados na Comunidade galega por probabilidade de exposición que recibiron polo menos unha dose acadan os 73.980 profesionais do ámbito sanitario --tres máis-- e 56.345 dos mesmos teñen a pauta completa --12 máis--.
A eles engádense 29.235 traballadores do ámbito socio-sanitario cunha dose --sen cambios-- e 19.357 coa pauta completa --dúas máis--. Pola súa banda, 60.343 traballadores esenciais recibiron polo menos unha dose da vacúa --tres máis-- e 2.311 completaron o proceso --sen cambios--.
Grupos de idade
En total, segundo a idade, recibiron polo menos a primeira picada no conxunto de Galicia 767.051 persoas, que supoñen 279 máis que a xornada anterior, e contan coa pauta completa 341.783, que implican 13.595 máis.
Por grupos, ata a data foron vacinadas 128.741 persoas maiores de 85 anos; 94.666 de 80 a 84 anos; 130.448 de 75 a 79 anos (+48); 143.871 de 70 a 74 anos (+166); 134.087 de 65 a 69 anos (+57); e 160.351 de 60 a 64 anos.
Iso fai que ascendan a 792.164 persoas vacinadas maiores de 60 anos no conxunto de Galicia, que supoñen un 91,6% do total da poboación deste grupo susceptible de vacinar.
A elas engádense 43.039 persoas vacinadas de 55 a 59 anos (+4); 38.293 de 50 a 54 anos; 29.268 de 45 a 49 anos (+3); 26.401 de 40 a 44 anos ; 19.104 de 35 a 39 anos (+2); 15.374 de 30 a 34 anos; 12.477 de 25 a 29 anos (+3); 6.087 de 20 a 24 anos (+2); 611 de 15 a 19 anos e unha de 10 a 14 anos.
Xa que logo, foron vacinadas ata o momento 982.819 persoas con polo menos unha dose en toda Galicia, que implican 285 máis que as rexistradas ata a xornada anterior e o 41,59% da poboación susceptible de recibir a vacina contra este coronavirus.