A autonómica crece de novo con respecto ao mes anterior
02 jul 2020 . Actualizado ás 05:00 h.TVG rematou o mes de xuño cun novo incremento de audiencia, en concreto de medio punto máis con respecto ao mes anterior, e colócase como a segunda canle máis visto en Galicia, só por detrás de Telecinco e empatada con Antena 3, segundo os datos do informe mensual de Barlovento Comunicación con datos de Kantar Media. Así TVG colócase cun 10,2 % de cota de pantalla media diaria no conxunto do día.
Os informativos son os programas máis visto da autonómica, sendo 15 dos espazos que aparecen na lista dos 25 máis vistos en todo o mes. Son líderes cun 18,7 % de audiencia, con máis de catro puntos de vantaxe respecto do seu inmediato competidor, como son os de Antena 3.
Líder entre os mozos
A cadea autonómica ademais repite como en maio, como a canle xeneralista máis visto polos telespectadores de entre 13 e 24 anos, cunha cota do 9 % nunha franxa de idade especialmente difícil ante a ampla oferta dixital.
Con respecto á rede de canles autonómico reunidas na FORTA, segue como un dos máis vistos, con ata 2,4 puntos por amais da media, tanto no conxunto do día como no prime time.
A media de consumo
O consumo televisivo en Galicia mantense por baixo da media estatal, con tres horas e corenta minutos diarios por persoa -media de minutos sobre o total do universo de España que tamén pondera aos que non viron nin un minuto de televisión-, o que supón seis minutos máis que o mes de xuño do ano anterior. Así mesmo, o tempo de consumo diario dos espectadores que ven cada xornada a televisión -media de minutos daqueles que viron a televisión polo menos un minuto- hase situado en cinco horas e quince minutos ao día, dezanove minutos máis que o mesmo mes do ano pasado, unha cifra que en Galicia tamén foi menor á media estatal con cinco horas e seis minutos.