Non, Google e Apple non instalan de forma secreta «apps» de rastreo nos móbiles como di un conto en WhatsApp
SOCIEDADE
Ambas as plataformas colaboran coas aplicacións oficiais que están desenvolvendo varios países
28 may 2020 . Actualizado ás 20:31 h.Google e Apple non instalan apps de rastreo contra o covid-19 nos móbiles Android e iOS de forma «secreta» e sen o «permiso» dos usuarios, tal e como afirma unha cadea de mensaxes en WhatsApp. Trátase dun conto.
Aínda que ambas as plataformas lanzaron a semana pasada a súa API (interfaz de programación de aplicacións) conxunta para notificar o contacto con contaxiados de coronavirus a través de Bluetooth en aplicacións que están a promover distintos países, desde Francia a Alemaña ou España, estas aplicacións oficiais só as pode descargar de forma voluntaria o propietario do móbil.
A confusión que puido inspirar a noticia falsa orixínase na notificación da compatibilidade para que funcionen as apps que desenvolvan as autoridades sanitarias coas súas API.