Son 26 traballadores e 14 usuarios de centros como o CAPD de Sarria (16), A Milagrosa ou As Gándaras, en Lugo
02 abr 2020 . Actualizado ás 18:55 h.Ata 26 traballadores e 14 usuarios de residencias da terceira idade e centros de atención a persoas con discapacidade da provincia deron positivo ao ser sometidos ás probas de coronavirus, segundo informaron a Efe fontes de Xunta. En relación aos centros de atención a persoas con discapacidade preocupa de forma especial a situación do CAPD de Sarria, onde han dando positivo sete usuarios e nove traballadores, mentres que na residencia de Bóveda outro empregado foi diagnosticado de Covid-19 e outro máis en Monforte. Nas residencias de maiores, o maior número de positivos deuse en Foz, onde foron diagnosticados tres residentes e sete traballadores.
Tamén deron positivo dous usuarios da residencia DomusVI de Monforte e outros de Betania, en Viveiro. Deron positivo tamén un traballador da residencia de maiores de Burela, un na de Castro de Rei, un na da Milagrosa (Lugo), outros 2 na vivenda comunitaria Avime -Cospeito. A CIG, que pide medidas de protección e test rápidos para os traballadores e residente dos centros, tamén fala de casos na Domus VI de Castro de Rei e na residencia das Gándaras.